Arestado ang isang itinuturing na High-Value Target (HVT) matapos ang isinagawang search warrant operation ng mga awtoridad sa Brgy. Santiago Sur.
Sa ulat ng La Union Police Provincial Office (LUPPO), nagresulta ang operasyon sa pagkakasamsam ng tinatayang isang gramo ng hinihinalang shabu na may halagang humigit-kumulang ₱6,800, bukod pa sa iba’t ibang uri ng baril at mga bala.
Kinilala ang suspek bilang isang 42 anyos na lalaki at residente ng nasabing lugar. Ayon sa pulisya, kabilang siya sa listahan ng High-Value Targets ng Philippine Drug Enforcement Agency (PDEA).
Sa kasalukuyan, nasa kustodiya na ng pulisya ang suspek at nahaharap sa kasong paglabag sa Republic Act 9165 o Comprehensive Dangerous Drugs Act of 2002, gayundin sa Republic Act 10591 o Illegal Possession of Firearms and Ammunition. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
Facebook Comments
