Arestado ang apat na indibidwal matapos maaktuhang sangkot sa ilegal na tupada sa isinagawang anti-illegal gambling operation ng San Carlos City Police Station (CPS).
Ayon sa ulat, naaktuhan ng mga awtoridad ang mga suspek habang nagsasagawa ng sabong nang walang kaukulang permit, na paglabag sa Presidential Decree 449 o “Cockfighting Law.”
Ang mga naaresto ay kinabibilangan ng apat na kalalakihan na pawang residente ng San Carlos City, na may edad 50 hanggang 67 anyos.
Nakumpiska mula sa kanilang pag-iingat ang isang buhay at isang patay na panabong na manok, dalawang piraso ng tari at halagang ₱2,050 na pinaniniwalaang pusta sa nasabing ilegal na aktibidad.
Dinala ang mga suspek kasama ang mga nakuhang ebidensya sa himpilan ng pulisya para sa kaukulang dokumentasyon at pagsasampa ng kaso. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
