Kusang loob na sumuko ang 43 myembro ng Bangsamoro Islamic Freedom Fighter (BIFF) pati ang commander nito sa ilalim ng Karialan Faction sa 90th Infantry (Bigkis-lahi) Battalion sa Kabacan, Cotabato.
Ayon kay Lieutenant Colonel Rommel Mundala, Battalion Commander ng 90IB nasa 34 samot-saring armas at siyam na high explosives ammunitions ang sabay na isinuko rin ng mga rebelde.
Sinabi ni Col. Mundala na napag-isip-isip kasi ng mga ito na mamuhay na lamang ng normal kasama ang kani-kanilang mga pamilya.
Kaugnay nito, muling panawagan ng JTF Central at 6th Infantry Division sa mga naging biktima ng disinformation ng BIFF na magbalik-loob sa pamahalaan at talikdan ang armadong pakikibaka.
Facebook Comments
