Alas-2:00 mamayang hapon ay magpapatuloy ang impeachment trial kay Vice President Sara Duterte at unang sasalang ang ikaapat na article of impeachment o alegasyong “grave threats” o matinding pagbabanta at aktibong pag-uudyok ng sedisyon laban sa republika.
Nakapaloob sa Article 4 ang pagkuha umano ni VP Duterte ng assassin o taong papatay kay Pangulong Ferdinand Marcos Jr., First Lady Liza Marcos, at dating House Speaker Martin Romualdez.
Pagtiyak ni House Lead Prosecutor at Batangas Rep. Gerville Luistro, handa na silang magpresenta ng ebidensya hinggil dito.
Nagpasalamat din si Luistro sa lahat ng sumusuporta sa prosekusyon lalo na ang taumbayan.
Kahapon ay inaprubahan ni Impechment Court Presiding Officer Sen. Francis “Chiz” Escudero ang request ng prosecution na padalhan ng subpoena sina Atty. Jeremy Lotoc, regional director ng National Bureau of Investigation (NBI) at John Mark Calilung na senior agent naman ng NBI.
Ang kanilang magiging testimonya ay may kaugnayan sa ika-apat na article of impeachment.
