Davao City – Gisugdan na sa Department of Social Welfare and Development (DSWD) Field Office XI ang ikaduhang quarter payout sa Social Pension alang sa mga indigent senior citizens niadtong Mayo 11, 2026 sa Davao City ug target nga mahatagan ang kapin 262,437 ka benepisyaryo sa tibuok rehiyon.
Matud sa DSWD XI, matag senior citizen makadawat og P3,000 nga ayuda aron magamit sa ilang adlaw-adlaw nga panginahanglan sama sa pagkaon, tambal ug uban pang gastohonon.
Dugang pa nga ang payout gihimo pinaagi sa koordinasyon sa mga lokal nga panggamhanan ug social welfare offices sa matag lugar.
Gipahimangnoan usab sa ahensya ang mga benepisyaryo nga mag-update sa ilang payout schedules pinaagi sa ilang Senior Citizens Chapter Presidents kun sa Office of the Senior Citizens Affairs (OSCA) aron malikayan ang kalibog ug masiguro ang hapsay nga pagdawat sa pensyon.
RadyoMan Wil Duran
Facebook Comments
