Illegal nga kahoy nakumpiska sa Kitcharao

16

MGA KAHOY’NG ILLEGAL NAKOMPISKA SA AGUSAN DEL NORTE
Mokabat sa 100 thousand pesos ang kantidad sa mga kahoy’ng illegal nga nakompiska sa mga otoridad kagahapon, Mayo 22 sa P-3, Brgy. Bangayan, Kitcharao, Agusan del Norte.
Usa ka joint anti-illegal logging operation ang gilusad sa gingsakpan sa Kitcharao Municipal Police Station ug 2nd ADNPMFC sa lugar diin naharang ang usa ka kolor blue Mitsubishi Canter Mini Dump Truck nga adunay plaka numero RKLX 465 nga lulan ginabas na mga kahoy’ng lawaan nga moabot sa 1,692.91 board feet.
Usa ka suspek ang naaresto nga giilang si Rogelio Sinones Constante, 19 anyos, ulitawo, residente sa Barangay A. Beltran, Jabonga, Agusan del Norte.
Si Constante ang gikustudiya sa Kitcharao PNP samtang ang mga kahoy’ng nakompiska atua kini gidala sa CENRO Tubay alang sa hustong disposasyon.

Facebook Comments