Davao City – Malampusong ug malinawon ang Indak Indak ug Pamulak sa Kadayawan sa Dabaw 2023 ug walay natala nga dagkong panghitabo, subay sa gihimong assessment og monitoring sa San Pedro Police Station.
Sa interview sa DXDC RMN Davao kang Police Major Marvin Hugos, Station Commander San Pedro Police Station gibutyag niini, walay mga untoward incident nga natigayon ilabi na sa mga activity area sukad niadtong August 10 – 20, 2023.
Segun ni Hugos, pinaagi usab sa pagtinabangay sa mga awtoridad, Public Safety and Security Clusters, (PSSC), Task Force Davao (TFD), Barangay official, Baranagay Tanod, force multiplier ug mga volunteers nahimong nagmalinawon ang maong selebrasyon.
Nagpasalamat ang hepe sa San Pedro Police Station sa mga Dabawenyo sa ilang kooperasyon ug pagtabang sa kapulisan ug kasundalohan nga namintinar ang hapsay og kalinaw sa dakbayan Davao.
RadyoMaN Don Pulayao
Facebook Comments
