IPHO South Cotabato ginahangkat ang mga government kag pribado ahensya nga magbutang sang kaugalingon nga quarantine facility.

12

Ginhangkat ni South Cotabato Provicial Health Officer Dr. Rogelio Aturdido Jr. ang mga ahensya sang gobyerno sa probinsya nga magprovide sang isolation facility para sa ila mga empleyado nga may-yara sang close contact sa mga COVID-19 positive person.
Suno kay Dr. Aturdido katuyuan sini nga masolusyunan ang problema sang kakulangan sa isolation kag quarantine facility sang lokal nga panggobyerno.
Apang advice ni Aturdido sa mga ahensya sang gobyerno nga may isolation facility nga dapat makig-angot sa gihapon sa tagsa ka mga city ukon municipal health office.
Paklaro pa ni Aturdido, pagkatapos sang quarantine period ang mga health officer sang mga LGU ang magahatag sang certificate nga nagapamatuod nga nakatapos sa 14-day quarantine ang isa ka indibidwal.
Ang nasambit nga pahayag sang provincial health officer ang pagkatapos kumpirmahan nga may sustained local transmission sang COVID-19 sa Koronadal.
Dugang pa ni Aturdido nga may COVID-19 cases sa syudad nga indi matumod kon sa diin kag paano nalatnan sang virus ang isa ka COVID-19 patient.

Facebook Comments