Ang balay sa matag Tribu, makita ang managlahi ug maanindot nga desinyo ug porma sa gawas ug sulod nga maoy puy-anan sa mga Datu, Sultan ug pamilya.
Gipasigarbo ni Iranun Tribe Deputy Mayor Pamirikin Arumpac, ang ilang Royal House nga maoy puy-anan sa ilang Sultan ug pamilya niini.
Sumala ni Deputy Mayor Arumpac, ang desinyo sa Royal House nga ilang gibuhat, mao kini ang porma sukad pa sa ilang mga ninuno ug hangtud karon napreserba kini ug wala gayud nila usba lakip na ang mga kurtina nga gigamit sa pagplastar sa sulod sa Royal House.
Importante kaayo alang kang Deputy Mayor Arumpac ang selebrasyon sa Kadayawan, kay pinaagi niini ilang mapakita sa mga Dabawenyo ug mga bisita, kung unsa kadato sa kultura ug tradisyon ang ilang Tribu.
Tungod niini, nagpasalamat ang opisyal kang Davao City Mayor Sebastian ‘Baste’ Duterte sa paghatag og luna sa katribohan pinaagi sa pagsuporta sa 38th Kadayawan Festival 2023.
RadyoMaN Joel Viray
