Isa patay samtang isa ka persona pilason sa bunggoanay sang motorsiklo kag SUV sa Barangay Lawaan!

Roxas City, Capiz- Patay ang isa ka persona samtang isa ang pilason sa bunggoanay sang SUV kag motorsiklo alas 2 pasado sang kaaganhon sa Brgy Lawaan, Roxas City.
Gindeklarar nga ginbawian sang kabuhi samtang ginabulong sa Capiz Doctors Hospital ang biktima nga nakilala kay Randolph Descalsota, 21-anyos sang Brgy San Antonio, Cuartero Capiz bangud sa mga kapilasan nga naangkon sini sa iya kalawasan tuga sang kabaskugon sang pagkabunggo.
Samtang padayon man nga ginabulong ang kaupdanan sini nga nakilala kay Raffy Gallardo y Lacorte, 20-anyos sang Brgy Pangpang Sur banwa sang Mambusao.
Suno sa inisyal nga bestigasyon sang Roxas City PNP padulong sa City Proper ang SUV sang aksidente nga nabunggo sa mga biktima nga nag-overtake lamang sa ginasundan nga isa pa gid ka salakyan.
Padayon pa ang imbestigasyon sa amo nga aksidente.
Ginapahayag nga lunsay nakainom ang amo nga mga persona sang matabo ang aksidente.

Facebook Comments