Sa interview sa DXDC RMN Davao kang Colonel Ronald Valdez, Deputy Commander sa TF Davao, iyang gisulti nga walay natala nga terror attack sa dakbayan sa miaging tuig ug kini tungod usab sa hugot nga pagpahigayon og estriktong border control checkpoints kung asa ubay-ubay ka mga indibidwal ang nadakpan ug nakumpiskang mga kontrabando.
“For 2024, ganun pa rin. Ang mandate lang talaga namin is to secure Davao City from terror threats, and we are also aiding the PNP and other security sectors in securing in securing Davao City,” sulti ni Valdez.
Dugang sa TF Davao official nga karong tuiga, daghan pang Simulation Exercises (SIMEX) ang himuon sa otoridad aron nga mas mamahimo pang andam ang security sectors sa pagresponde sa unsa mang insidente.
Gipasalamatan usab sa TF Davao ang padayong suporta sa publiko ilabi na sa Culture of Security o “May Nakita, Dapat Magsalita” nga usa ka anti-terrorism campaign, pinaagi sa pag-awhag sa katawhan sa pag-report sa mga kadudahang indibidwal o butang sa palibot.
RadyoMaN Kirby Manzon
