Itinanggi ng opisina ni Senator Robinhood Padilla ang alegasyong pagpapapirma ng non-disclosure agreement (NDA) sa mga staff ng senador.
Lumabas ang isyu ng pagpapatahimik sa mga staff upang hindi magsalita ang mga ito tungkol sa nangyaring barilan sa Senado noong May 13.
Ayon kay Chief of Staff Atty. Philip Jurado, walang direktiba si Padilla tungkol sa pagpapapirma ng NDA sa mga staff member.
Kung totoong may mga staff aniya na sinasabing lumagda ng NDA, ang mga ito ang dapat na matanong dahil sila lamang din ang makapagsasalita sa isyu.
Gayunman, kinumpirma umano ng kanilang finance officer na may ibang empleyado ang humingi ng first-aid kit.
At dahil ang kanilang finance officer ang mag direkta at personal knowledge sa naging transaksyon, iminungkahi ni Jurado na ito na lamang ang tanungin.
