Nangin madinalag-on ang kick off ceremony sang Crime Prevention Week nga ginhiwat sa banwa sang Pototan kahapon nga adlaw.
Ini ang ginpahayag ni NAPOLCOM investigator Allen Camiring.
Suno kay Camiring nga napuno sang mga participants nagikan sa nagkalalain-lain nga sector ang pototan astrodome.
Nahibaluan nga ang NAPOLCOM ang nagapanguna sa selebrasyon sang National Crime Prevention Week nga ginasaulog kada Setyembre 1-7 tagsa ka tuig.
Suno kay Camiring nga katuyuan sang kahiwatan nga mapahanumdum sa mga pumuluyo sang ila aktibo nga pagpasakop sa pagpugong sa pagluntad sang krimen.
Ginhatagan pagtamod ni Camiring nga indi lamang obligasyon sang mga pulis ang pagtapna sang krimen kundi may daku man nga mabulig ang mga sibilyan. (sspunay)
