Komentarista patay, matapos tiruhon sa Tacurong City, Sultan Kudarat.

16
Patay ang isa ka komentarista ,matapos nga tiruhon sa Purok Sampaguita, Brgy. New Carmen, Tacurong City, Sultan Kudarat, pasado alas 10:00 kagaina sang aga.
Ginkilala ni Police Lt. Joan Maganto, Chief of Police sang Tacurong CPS, ang biktima kay Jaynard Angeles, 35-anyos kag residente sang Brgy. New Matiompong, Lambayong, Sultan Kudarat.
Suno pa anay station manager kag komentarista sa isa ka radio station sa Tacurong City ang biktima kag sa subong nangin freelance commentator sa Facebook.
Base sa ila inisyal nga imbestigasyon suno kay P/Lt Maganto gintiro ang biktima samtang nagapakay-o sang iya nga salakyan sa isa ka auto repair shop sa Purok Sampaguita, Barangay New Carmen sa nasambit nga syudad.
Dead on the spot ang biktima tungod sa naangkon nga duha ka igo sang bala sa ulo kag lawas.
Ginkumpirmar man ni Maganto nga nagapapili ang biktima bilang konsehal sa banwa sang Lambayong.
Sa subong nagapadayon ang imbestigasyon sa insidente kag isa sa ginalantaw nga motibo sang Tacurong CPS sa pagpatay sa biktima ang may kahilabtanan sa iya trabaho bilang komentarista
Facebook Comments