Komunidad dakog parte sa pagrespondi sa mga kalamidad sigon sa CDRRMO-Malaybalay

29
Gikabutyag karon sa City Disaster Risk Reduction and Management Office (CDRRMO)-Malaybalay nga dako ang parte sa komunidad panahon sa mga emerhensiya pagrespondi sa mga kalamidad.

Sa interview sa RMN Malaybalay ngadto kang CDRRMO-Malaybalay Chief, Alan Comiso, gibutyag niya nga ang komunidad kinahanglan murespondi ngadto sa mga awareness nga ginahatag sa gobyerno aron nga pag-abot sa mga kalamidad dali kini nga maaksyunan.

Dugang pa niya nga tumong usab sa mga programa sa buhatan nga walay matala nga casualty ilabi na sa mga kalamidad sama sa baha, linog, ug pagdahili sa yuta.

Gisulti usab ni Comiso nga gina-identipikar usab nila ang mga barangay sa dakbayan nga flood ug landslide prone aron nga mahatag ang insaktong mga ekipo nga gikinahanglan nila panahon sa kalamidad.

Gisiguro usab ni Comiso ang kaandaman sa dakbayan panahon sa emerhensiya tungod kay matag karon ug unya, ga-upgrade sila sa mga equipments aron nga daling marespondihan ang mga katalagman.

Nasayran nga ginaselebrar karong bulan sa Hulyo ang National Disaster Resilience Month (NDRM) 2022.

Facebook Comments