Truck driver nadakpan sa pagpayuhot sa illegal nga droga

Mukabat sa halos 7 mil ka pesos ang drogang shabu nga nakompiska sa mga kapulisan samtang nadakpan ang usa ka truck driver nga nagpayuhot niini atol sa sa gilusad nga operasyon sa mga kapulisan pasado alas 6:15 sa gabie adtong Sabado, Hulyo 9, 2022 didto sa Purok-2, Anahawon, Maramag, Bukidnon.

Gamit ang usa ka P500 bill isip buy-bust money, nasakote sa kapulisan si Lloydenmar Daga-ang, alyas Tibot, 35 anyos, minyo, ug residente sa Purok-4, Calao-Calao, Don Carlos, Bukidnon.

Nakompiska ngadto sa suspek ang 10 ka pakete sa gituohang drogang shabu nga mukantidad og P6,800 ug gibana-banang mutimbang og kapin kon kulang usa ka gramo lakip ang usa ka disposable lighter, ug usa ka unit sa Vivo nga cellphone.

Giturn-over ngadto sa Bukidnon Forensic Unit, Malaybalay City ang mga nakompiskang ebidensya lakip ang dinakpang suspek samtang ginaandam ang kaso sa paglapas sa Sec. 5 ug 11 sa ARTICLE II, RA 9165 kon Comprehensive Dangerous Drugs Act of 2002 batok sa dinakpang suspetsado.

Facebook Comments