Lalaki gipusil sa ulo, patay

Davao City – Miresulta sa hinanaling kamatayon sa usa ka lalaki human kini gipusil sa wala mailhing mamumuno nahitabo alas-10:15 Lunes sa buntag sa Purok Exodus, Brgy. Visayan Village, Tagum City, Davao del Norte.

Biktima naila nga usa ka Rene Makiling, 49 anyos, residente sa Purok 4, Brgy San Vicente, Panabo City.

Sa report sa Tagum PNP, nanghinlo sa iyang sakyanan ang biktima diin kalit na lamang kining gipusil sa riding in tandem kinsa sakay sa black and white Honda XRM gamit ang 9mm kalibre sa pistola tumong sa ulo sa biktima sa pipila ka higayon dayon nisibat sa wala matino nga direksyon.


Sa pagkakaron nagpadayon ang imbestigasyon sa awtoridad labot sa motibo sa maong insidente.

Na rekober sa crime scene ang tulo ka mga bala nga anaa na karon sa Davao Norte Provincial Crime Laboratory alang sa cross matching examination.

Subay niini, naghatag gilayon og direktiba sa Pol. Lt. Col. Ariel Acala, hepe sa Tagum PNP, ngadto sa iyang mga personahe alang sa padayong pagmonitor ingon man pagkasikop sa mga suspetsado.

Nanawagan usab si Acala sa publiko nga dunay impormasyon labot sa identipikasyon ug lokasyon sa mga suspetsado nga mamahimong makig-alayon kanila pinaagi sa ilang numero nga 0926-717-1522 o sa ilang social media account nga Pnp Tagum Pcr/ Tagum City Police Station.

RadyoMaN Jason Amisola

Facebook Comments