Davao City – Gipahibalo sa Department of Environment and Natural Resources-Environmental Management Bureau (DENR-EMB) XI ug sa Davao City Government nga gitarget nga magsugod sa operasyon ang bag-ong sanitary landfill sa siyudad karong Hunyo 16, 2026, human sa padayon nga rehabilitasyon ug pagpatuman sa mga safety measures.
Sumala sa assessment sa DENR-EMB XI, nagpadayon ang concreting sa unloading bay, pagbutang sa High-Density Polyethylene (HDPE) liner, ug benching sa landfill cell sa bag-ong landfill isip kabahin sa mga kinahanglanong lakang aron masiguro ang kaluwasan ug pagsunod sa environmental standards.
Bisan pa niini, giingon sa DENR nga dili pa dayon i-resume ang landfill operations hangtod nga mapamatud-an nga luwas ug hingpit nga compliant ang pasilidad sa tanang environmental ug safety requirements.
Kahibaluan nga gimando ang suspensyon niadtong Mayo 22, 2026, kasunod sa trahedya nga trash slide nga miresulta sa usa ka patay, duha ka samaron, ug duha ka missing. | via RadyoMaN Kareen Beltran
RadyoMaN Kareen Beltran
Facebook Comments
