Giila ang suspetsado sa pagpayuhot sa illegal nga droga nga si Ricky Rabina Jr., 19 anyos, ulitaw, ug residente sa Avinca Village, Barangay Casisang, Malaybalay City, Bukidnon.
Narekober gikan sa suspetsado ang usa heat sealed transparent plastic sachet nga mikontinar og drogang shabu nga mitimbang og 0.06 gramos ug gibana-banang mukantidad og P1,008.00. Samtang laing lima ka heat sealed plastic sachet sa shabu ang nakompiska nga mitimbang og 0.7 gramos ug gibana-banang mukantidad og P11, 760.00, lakip usab ang usa ka P500 bill.
Gidala na sa Malaybalay City Police Station ang suspetsado lakip ang mga nakompiskang ebidensya nga i-turnover sa PNP Provincial Forensic Unit alang sa eksiminasyon.
Samtang mag-atubang sa paglapas sa Article II, Sections 5 ug 11 sa RA 9165 kon Comprehensive Dangerous Drugs Act of 2002 ang dinakpang suspetsado.
