General Santos City— Sikop ang usa ka wanted human mirespondi ang kapulisan gumikan sa taho nga adunay nagpabuto ug pusil sa usa ka imnanan sa Zone 2, Blk. 6 brgy. Fatima ning dakbayan.
Giila ni Police Senior Inspector Fernando Manuel Jr., hepe sa Police Station 7 ang suspek nga Si Gilbert Hidilwak, 24 anyos ug dayo lang sa maong lugar kung asa lango matud pa kini sa ilimnong makahubog rason nga nagpabuto ug pusil.
Atol sa imbestigasyon, nasayran nga aduna kini standing warrant of arrest gumikan sa kasong murder sa Digos City ug posibleng nagtaguan alng dinhi sa dakbayan.
Dugang pamahayag ni PSI Manuel nga narekober gikan sa posisyon sa suspek ang usa ka sumpak nga adunay bala sa 9mm ingon man usa ka kutsilyo.
Sa karon, gikatakda na kining pasakaan ug kasong alarm and scandal samtang nakig-alayon na sila sa Digos Police Station kung asa kini may kasong murder. (Lore Romualdo)
