Libreng sakay sa bus kutob lang karong adlawa

26

Davao City- Giklaro sa City Transport and Traffic Management Office kun CTTMO nga dunay oras ang libreng sakay sa bus diin sumala pa kutob karong adlawa nalang ang byahe niini.

Sumala ni CCTMO head Dionisio Abude, magpadayon gihapon kutob lang karong adlawa ang libreng sakay nga gitawag nga Libreng Sakay ni Rody Duterte hangtod hingpit ng mahuman ang operasyon sa Department of Public Works and Highways kun DPWH sa Shrine Hills.

Pahinumdom sa CTTMO nga magsugod ang libreng sakay 6am sa kutob 8am ang byahe sa lima ka mga bus nga mag gikan sa Toril District Hall padulong sa downtown samtang ang laing lima ka mga bus mubyahe gikan Gaisano Mall Calinan padulong sa downtown.

Pagkahapon, alas 4 magsugod ang byahe kutob alas 7 sa gabii diin lima ka mga bus ang mudala sa mga pasahero gikan Davao City Hall padulong sa Toril area samtang ang laing lima ka mga bus mubyahe padulong balik sa Calinan.

Kahinumduman nga gitagana ang maong libreng sakay sa mga bus sa Office of the President nga nagsugod kaniadtong martes alang sa mga mastranded nga mga pasahero.

Sa pikas bahin, subling nagpahimumdom ang CTTMO nga kutob alas 9 sa gabii lang maagian ang Diversion Road ug alas 5 sa buntag pag-abrihan ang maong dalan.

Sa karon, subay sa ilang monitoring, nibalik na sa normal ang dagan sa trapiko sa kadalanan human nga gi-abrihan ang duha ka lanes sa Diversion Road, Maa.

RadyoMan Renz Barbarona

Facebook Comments