LTFRB XI: Dul-an 20 ka PUVs dakpan sa ‘Oplan Bitag Sasakyan’

49
Davao City – Muabot sa 18 ka mga Public Utility Vehicles (PUVs) ang naisyuhan og Inspection Report Summons (IRS) atol sa gilusad nga Oplan Lambat Bitag Sasakyan Operation o istriktong Anti-Colorum Operations and Inspection Monitoring sa Land Transportation Franchising and Regulatory Board (LTFRB-XI) kagahapong adlawa (September 16, 2022).

Sa report sa LTFRB-XI, sa 18 ka PUVs, 2 niini Public Utility Jeepneys (PUJ), 2 ka taxi units, 2 ka Public Utility Buses (PUBs), ug 12 ka UV Express.

Ang operasyon gihimo kauban ang pwersa Davao City Security and Safety Cluster nga gilangkuban sa Land Transportation Office (LTO), City Transport and Traffic Management Office (CTTMO), Highway Patrol Group (HPG-XI), Davao City Police Office (DCPO)-Traffic Enforcement Unit (TEU) ug uban pang mga ahensya.

Nagpahinumdom ang LTFRB XI sa publiko nga dili magpasagad og sakay sa mga colorum nga PUVs aron malikayan ang aberya sa pagbyahe inay, didto lamang sa adunay lehitimong mga permit ug nagsubay sa ilahang designated nga mga ruta.

RadyoMaN Kirby Manzon

Facebook Comments