Mga 30% sa mga tao ang dunay Luas.
Kasagaran mag edad kini mga 16 hangtod 27, apan kung muabot na ang edad og 55 talagsaon ra kaayo ni nga masinati.
Usahay makasinati kita og singaw, tungod sa samad sa baba, hait ang mga ngipon, duna’y dental braces, gahi nga mga pagkaon, mapaakan ang ngabil og uban pa.
Duna’y mga nagsulti nga ang hinungdan sa Luas mao ang kulang sa Vitamin B og C. Posible pud nga ang hinungdan sa Luas mao ang subra kadaghan nga trabaho og kulang nga tulog.
Ania ang mga butang aron mamaayo ang Luas.
1. Likay sa parat ug subra ka aslom nga pagkaon. Dili tambal ang lemonsito, tawas og asin, tungod kini makapasamot sa luas. Likayi ang pagkaon og mga halang nga pagkaon.
2. Likayi usab ang mga gahi nga pagkaon sama sa banana chips, potato chips og uban pa.
3. Kung duna kay singaw pilia ang pagkaon nga mga humok sama sa lugaw aron dili masamad og usab ang imohang luas, pwede pod mukaon og watermelon.
4. Ang pagkaon og Yogurt ika duha sa usa ka adlaw maoy makawala sa mga samad sa mga luas. Maski asa ang luas, sa baba, dila o sa tutunlan, matabunan sa yogurt ang luas ug makatabang pagpawala og sakit.
5. Palit og Solcoseryl Dental Ointment, ipahid kini sa inyong luas ika 3-5 sa usa ka adlaw.
6. Magpa-checkup sa duol nga dentist sa inyong lugar, kay basi og hait ang inyong mga ngipon nga maoy hinungdan sa luas og mapangitaan kini og pamaagi nga ayohon ang inyong ngipon.
7. Sulayi og ilis sa inyong ginagamit nga toothpaste kay basi mao ang hinungdan sa inyohang singaw.
8. Pwede pod mugamit og mouth wash aron makatabang sa pagpatay sa bacteria nga naa sa imohang baba og maayo og dali ang imohang luas.
9. Magpahuway og matulog nga tama sa oras.
10. Inom og mga multivitamins nga duna’y vitamin B and Zinc. Wala may dautan kung muinom kita og vitamins.
11. Kung duna may tonsil o sore throat samtang duna kay luas, pwede ka muinom og antibiotics sama sa Amoxicillin 500 mg ika-3 sa usa ka adlaw, sulod usa ka semana.
12. Kung sige ga balik-balik og daghan kaayo ang ang imohang luas, magpa check-up sa inyohang doctor kay posible kini nga sintomas sa uban pang sakit sa imohang lawas.
Ayaw mo kabalaka tungod makatabang gyud kining mga butanga kung sundon lang ninyo ang pamaagi aron maayo ang inyohang luas.
Kung duna man kamoy mga reaksyon og gusto idugang sa mga butang nga makatabang sa luas, pwede ninyo kining i-comment sa baba.
Para sa Tip Ni Luningning ug uban pa, paminawa ang programang “u&i” 9pm-12mn sa 93.9 iFM Davao.
