Mag-live in sikop sa buy-bust operation

53
Davao City – Paglapas sa Section 5 ug 11 sa Republic Act 9165 kun Comprehensive Dangerous Drugs Act of 2002 ang atubangon sa duha ka mga suspek nga nasikop atol sa drug buy bust operation niadtong Martes (Agosto 9, 2022) sa Piapi Boulevard, Barangay 21-C, Davao City.

Sa interbyu sa DXDC RMN Davao kang Police Major Rosario Aguilar, Station Commander sa Ecoland PNP, giila niini ang mga dinakpan nga sila Alex Perandos Jr., alyas Jun2x, 30 anyos, residente sa Isla Verde, Barangay 23-C ug Jhean Asarie, 24 anyos, residente sa Piapi Boulevard, Barangay 21-C, ning syudad.

Nakuha sa posiyon sa mga suspek ang upat ka pakete sa gituohang shabu nga anaa sa .73 gramos nga mukantidad og P11,680 ug drug paraphernalia.

Padayon ang panawagan sa police official sa publiko nga i-report ang iligal nga mga aktibidad ilabina ang iligal nga droga.

“Magbantay gyud sila kay amoa man gyud na silang conduct’an og police operation ilabi na kung mapalit gyud sila (og iligal nga droga) masikop gyud na sila sa kapulisan ug mapasakaan gyud nato sila og appropriate charges didto sa piskalya,” sulti ni Aguilar.

RadyoMaN Kirby Manzon

Facebook Comments