Magsuon gipangdunggab ug gitigbas, 1patay, 1 kritikal

225

General Santos City—usa ang patay samtang usa ang kritikal sa nahitabong rambol sa mga batan-on sa may prk. 16, Barangay Fatima Gensan.

Patay ang biktimang si Jickel Adolfo, 23, residenti sa Prk. 16, Barangay Fatima ning dakbayan samtang kritikal ang kondisyon sa manghod niini nga si Roberto Adolfo Jr., 19, residenti sa samang lugar.


Alas 11:30 ang takna sa gabie dihang migawas sa ilang panimalay ang managsuon uban sa ilang mga amigo aron mupalit ug ilimnong makahubog ug sigarilyo sa sentrong bahin sa Barangay Fatima.
Pag abot sa kanto nga bahin tua na nag atang ang grupo sa mga Children In Conflict With The Law (CICL) o mas nailhan sa tawag nga “SUKARAP”.

Didto na gipangdunggab ang duha ka mga biktima ug wala pa makontento ang mga suspek ila pa kining gitigbas.

Si Roberto nakaangkon ug (5) ka mga samad sa likod ulo ug nawong nga bahin samtang si Jickel nakaangkon ug (5) ka mga samad sa nagkandaiyang parti sa kalawasan nga hinungdan sa iyang hinanaling kamatayon.

Sumala ni Alias Roy-roy, amigo sa mga biktima nga daan nang may bingkil ang usa sa duha ka magsuon u gang lider sa grupo sa SUKARAP nga si Alias Telen. Dihang nagtagbo ang ilang dalan didto na nahitabo ang krimen.




Nasayran nga tabangan unta nilang Royroy ang magsuon apan sila napugos sa pagdagan tungod dunay mga armas ang mga suspetsado.

Dihang ilang gibalikan ang area, samdan na ang magsuon. Paspas silang gipangdala sa ospital apan nakabsan gyud ug kinabuhi si Jickel.

Ang kapulisan sa Fatima Police Station ang naghimo nag makuting imbistigasyon kalabutan sa insidenti samtang padayon pa usab nga gipangita an g suspek sa krimen.

Facebook Comments