Mahigit ₱2-B pondo, ipinagkaloob ng PCSO sa mga pasyente noong 2021

49

Pumalo na sa ₱2,127,409,228.18 halaga ng financial assistance ang naipagkaloob ng Philippine Charity Sweepstakes Office (PCSO) sa may 272,390 pasyente na humingi ng medical assistance sa ahensya sa ilalim ng PCSO Medical Access Program o MAP noong 2021.

Ayon sa PCSO, ang mga naayudahan ng ahensya ay para sa confinement, hemodialysis, chemotheraphy, dialysis injection, gamot para sa hemophilia at post-transplant patients.

Paliwanag ng PCSO na umaabot sa 162,123 na mga pasyente ang naayudahan ng ahensya na umaabot sa kabuuang mahigit ₱1.5 bilyon.


Dagdag pa PCSO na ang dialysis injection cases ay may kabuuang ₱6.7 milyon na nakatulong sa 107,891 na pasyente; sa hemophilia ay nagkaloob ang PCSO ng mahigit ₱2.6 milyon para sa 293 pasyente at post-transplant patients na tumanggap ng ayuda na may halagang mahigit ₱19.8 milyon para sa 2,083 indibidwal sa buong bansa.

Karamihan umano ng MAP requests ay mula sa National Capital Region, Region III, Region IV-A at Region VI.

Matatandaan na nitong pandemya ay nagkaloob din ng ayuda ang PCSO sa pamamagitan ng nailatag na charity programs para sa mga marginalized at underprivileged citizen sa bansa.



Facebook Comments