Maipagarup a Panangrames ken Panangpapatay ti Maysa a Babae iti ili ti San Nicolas, Agtultuloy a Maimbestigaran

iFM Laoag – Agtultuloy ti imbestigasyun mainaeg ti pannakarames ken pannakapapatay kenni Juvilyn Bardiaga, agpapaay kas assistant manager iti maysa a pasdek negosyo iti San Nicolas, Ilocos Norte.

Segun kenni Police Major Paul Benedict Parado, chief of police ti PNP San Nicolas, adda ti bigbigenda a ‘person of interest’ wenu suspect iti nasao a krimen.

Nayun ni Parado a maipagarup nga agtrabtrabaho ti nasao a ‘person of interest’ iti metlaeng nasao a Department Store.


Malagip a sinerrek ti suspect iti apartment ti biktima ket nagna daytoy iti tawa ti banyo. Apaman a nakaserrek daytoy ket ditoy a maipagarup a ginundawayanna ti suspect ken binekkelna daytoy usar ti waya ti rice cooker.

Naipatuloden iti Campo Crame dagiti naala a CCTV Footages a nagun-odda tapnu maadal ken mabigbig ti kinasiasino ti nasao a suspect. Awan ti makita ti PNP a nagbalin a nakariniri ti biktima basar iti panagsukisokda kadagiti kaubraan ti biktima.

Naipan met iti PNP Cyber Crime Group ti cellphone ti biktima tapnu maadal dagiti ‘phone transactions’ nu adda pakainaeganna iti krimen.

Hustisya itatta ti ipukpukkaw ti pamilya ni Juvilyn iti nakaam-ames a krimen.

Bernard Ver, RMN News

Facebook Comments