Malaybalay City, Bukidnon – Gipahibalo sa Department of Public Works and Highways kon DPWH Region 10 ug sa Provincial Government of Bukidnon ilabina sa mga motorista nga temporaryong pagasriad-an ang Mangima Bridge sa Sitio Mangima lungsod sa Manolo Fortich.
Sa kasayuran nga gipaabot sa RMN Malaybalay gikan ni Vinah Maghinay, ang information office sa DPWH 10 gibutyag niini nga kini aron kahatagan ug higayon ang contractor nga M. Montesclaros Enterprises, Inc. (MMEI) nga mapadayon ang pagtrabaho sa *widening* sa Manigma Bridge nga anaa sa sayre o national highway.
Ang mga mosunod nga adlaw, mao ang naka-schedule nga pagsirado sa nasangpit nga tulay:
*Enero 26, 2018 (Biyernes)* – alas 9 sa gabii hangtod sa alas 11:30 sa gabii
*Enero 27, 2018 (Sabado)* – alas 12 sa kadlawon hangtod sa alas 4 sa kadlawon; alas 9 sa gabie hangtod alas 11:30 ang takna sa gabii
*Enero 28, 2018 (Dominggo)* – alas 12 sa kadlawon hangtod sa alas 4 sa kadlawon; alas 9 sa gabie hangtod alas 11:30 ang takna sa gabii, ug;
*Enero 29, 2018 (Lunes)* – alas 12 sa kadlawon hangtod sa alas 4 sa kadlawon kung dili pa gayod mahuman.
Hinoon, ang dagan sa trapiko magbukas kada usa (1) ka oras gikan sa pagsugod sa operation.
Ang mga emergency vehicles sama sa ambuance, firetrucks, rescue cars hatagan sa special considerations.
Gisiguro usab sa MMEI nga anaa ang ilang Safety and Traffic Management Personnel nga maghatag sa assistance kung gikinahanglan.
