Masobra P30K nga kantidad sang shabu nakumpiskar sa ginpatigayon nga anti-illegal drug operations sa Sultan Kudarat.

Arestado ang anum ka mga suspek sa ginpatigayon nga anti-illegal drug operations sang Sultan Kudarat Police Provincial Office upod ang iban nga law enforcement units sa Sultan Kudarat.
Nakumpsikar naman ang 35 ka heat-sealed transparent plastic sachets sang shabu nga nagakantidad sang P 33,175.
Base sa datos sang Sultan Kudarat Police Provincial Office ang President Quirino Municipal Police Station ang nakakumpiskar sang duha ka sachets sang shabu nga nagakantidad sang P 5,000.00 sa ginpatigayon nga search warrant.
Samtang ang Palimbang Municipal Police Station ang nakakumpiskar sang 21 ka sachets sang shabu nga nagakantidad sang P 10,500.00 sa ginpatigayon nga buy-bust operation.
Ang Esperanza Municipal Police Station kag Lambayong Municipal Police Station ang nakakumpiskar naman sang duha ka sachets sang shabu nga nagakantidad sang P 1,475.00.
Nakakumpiskar naman sang Tacurong City Police Station sang lima ka small sachet sang shabu nga nagakantidad sang P10, 200.00.
Nagalab-ot sa lima ka sachets sang shabu ang nakumpiskar sang Isulan Municipal Police Station nga nagakantidad sang P 6,000.00.
Ginpahayag ni Sultan Kudarat Police Provincial Director PCOL TOM P TUZON nga ipadayon nila ang anti-illegal drugs operation agud mapunggan ang paglapta sang druga sa probinsya.