MAYOR RIVERA, GIPANIGURO NGA DILI MAAPEKTUHAN ANG SERBISYO SA LGU BISAN ADUNAY MGA EMPLEYADO SA GOBYERNO ANG EXPOSE SA COVID 19!

19

General Santos City–Gipaniguro ni Gensan City Mayor Ronnel Rivera nga luyo pa man sa pag-lockdown sa pipila ka mga buhatan sa gobyerno sa dakbayan, dili maapektuhan ang serbisyo sa katawhan.

Saysay niini nga bisan ug adunay mga empleyado SA LGU ang na-expose o nagpositbo sa covid 19, gipaniguro ni Mayor Rivera nga dili maapektuhan ang operasyon sa lokal nga panggamhanan.
Ilaha matud pang ginapaningkamutan nga mas mapa-paspasan ang pagpahigayon ug contact tracing.
Samtang, sa hisgutanang BCCF, gibutyag ni Mayor Rivera nga hangtud lang ning bulan sa Oktubre ang tag 2 mil ka pesos nga binulang allowance sa mga nasangpit.
Apan gibutyag ni Mayor Rivera nga sugod sa bulan sa Nobyembre, adunay ihatag nga food assistance ang LGU Gensan sa mga magpadayon nga BCCF ug uban pang pwedeng ihatag sa lokal nga panggamhanan.
Panghinaot ni Mayor Rivera nga magpadayon sa serbisyo ang mga miyembro sa BCCF bisan pa nga wala nay tag 2 mil ka pesos nga allowance gumikan sa pagsugod sa maong grupo, mga volunteers ang mga nasangpit ug siya nagtuo nga magpadayon ang spirit og voluntarism sa mga nahisgutan.(LVR)


Facebook Comments