MDRRMO Lake Sebu nakarecord sang pipila ka insidente sang landslide, dalan sa Prk. Pag-asa, Brgy. Poblacion isa lang ka lane ang maagyan sa subong.

Narekord ang pipila ka insidente sang landslide sa banwa sang Lake Sebu, South Cotabato subong nga bulan sang Hunyo tungod sa pagbubo sang mabaskog nga ulan base sa datos sang Municipal Disaster Risk Reduction and Management Office.
Suno kay MDRRM Action Officer Roberto Bagong lakip sa mga lugar nga apektado sang landslide ang sa Barangay Tasiman padulong Lamfugon, Sitio Tubong, Takunel kag Purok Pag-asa, Poblacion nga lunsay apektado ang mga dalanon.
Samtang, ang pinakabag-o nga insidente sang landslide sa subong suno kay Bagong ang sa Brgy. Poblacion, Lake Sebu nga apektado ang dalan sa national highway nga sa subong isa lang ka lane ang sarang agyan.
Ginkumpirmar niya man nga kahapon ginpalab-ot niya na sa pamunuan sang Department of Public Works and Highways ang nasambit nga insidente agud nga gilayon nga maaksyunan.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments