Supplemental Budget no. 1 sang provincial government sang South Cotabato aprobado sa boto nga 10-2.

Aprobado na sang mga katapo sang Sangguniang Panlalawigan sa ginpatigayon nila nga regular session kahapon nga adlaw ang masobra P224 million nga 2019 general fund and economic enterprise supplemental budget no. 1 sang provincial government matapos nga magbotohanay tungod nagpamatok sanday Board Members Cecile Diel kag Romeo Tamayo.

Suno kay South Cotabato Board Member Agustin Demaala, Chairman sang Committee on Finance sang Sangguniang Panlalawigan sa boto nga 10-2 tigayon nga naaprobahan ang supplemental budget.

Ginpaklaro ni Board member Demaala nga ang pondo man lang sa construction sang protech center ang ginpamatukan sang duha ka mga kaupdanan nga nagalab-ot sa masobra P54 million.


Samtang ang iban nga pondo ang magakadto naman sa kinahanglanon sang mga opisina sang provincial government, retirement sang mga empleyado subong man nila nga mga opisyal kag iban pa.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments