Mga biktima sa sunog nakadawat na og pasiunang tabang

23

Davao City – Nakadawat na sa pasiunang tabang ang 90 ka pamilya ug 195 ka mga individual sama sa pagkaon, simina ug uban pang kagamitan sa pagtulog ug pagluto gikan sa City Social Service and Development Office (CSSDO).

Kahinumduman niadtong Sabado sa kadlawon, miulbo ang dakong sunog sa Riverbed, Barangay 21-1 Poblacion syudad sa Davao nga miresulta sa pagkaugdaw sa 50 ka mga balay.

Sumala sa initial nga inbestigasyon sa Bureau Of Fire Protection (BFP-Davao) naggikan ang kalayo sa balay ni Romil Asdali human natumba ang usa ka lampara nga miresulta sa sunog.

Usa sa ka 60-anyos nga lola ang namatay nga mao si Zenaida Tan, may deprensya sa lawas, samtang duha ang angol lakip na ang igsuon sa biktima. Ang BFP-Davao, wala pa makapagawas kung pila ang damyos sa sunog.

Sa pikas bahin, gisulti ni Maria Luz Faranal CSSDO Disaster Focal Person, makadawat ug 10 mil pesos ang tag-iyag balay nga totally damage, 5 mil pesos sa partially damage, 4 mil pesos sa renters, 3 mil pesos sa boarders ug 2 mil pesos sa mga sharers.

Kasamang Bernard Pantallon

Facebook Comments