Mga nanalong entries sa 17th GSIS National Art Competition, inilabas na!

47

Inilabas na ng Government Service Insurance System (GSIS) ang 21 winning entries para sa 17th GSIS National Art Competition.

Nagwagi sa representational painting category na may tema na “Pagsulong at Pag-asa sa Bagong Normal” ay sina James Sanorjo para sa kaniyang likha na “Ugaliing Gawin” para sa unang pwesto; Mark Angelo Argarin para sa “Partner sa Pagdulong” sa ikalawang pwesto at Leonardo Manto III para sa “Face to Face Class” sa ikatlong pwesto.

Sa unang pagkakataon sa loob ng 17 taon ay nasungkit ng isang babae ang grand prize matapos maipanalo ni Valerie Anne Feliza Valero ang abstract painting category para sa likhang “Shift & Change” habang nakuha ni Roberto Lolong ang ikalawang pwesto para sa kaniyang likha na “Di Ako Matalino” at Marcos Antonino Arsenio Royales XI sa ikatalong pwesto para sa likhang “Curfew”.


Sa sculpture category ay nakuha ng “Pillars” ni Rinald Sotto ang grand prize habang ginawaran ng second place si Leonardo Manto III para sa “Face to Face Class” at sa ikatlong pwesto naman si Ramon Garcia para sa “Guardian of Nature”.

Makakatanggap ang mga nagwagi sa bawat kategoriya ng 300,000 pesos habang 200,000 pesos naman ang maiuuwi ng second place at 100,000 ang makukuha ng third place.

Habang nakatanggap naman ng tig-25,000 pesos ang apat na honorable mentions para sa bawat kategoriya:



Represenatational category:
John Perry Pellejera – “Refocused”
Norbeto Mallari – “Tatawid Tayo”
Edwin Ladrillo – “Ang Bagong Umaga”
Norlando Pobre – “Future for the Nation”
Abstract painting category:
“Golden Horizon” by Godorfredo Orig
“Pink Wave” by Artgiveson Arreglado
“Breathing Patches of Hope and Dreams” by Dante Enage
“Pag-asa” by Evangeline Marquez

Sculpture category:
“Bakunawa and the Seven Moons” by Kenneth Bosangit
“Our Imperfections Make Us Strong” by Walther Ocampo
“Fight Club” by John Erickson Dancel;
“Pressure, Heat and Time” by James Dayrit


Lahat ng major prize entries ay bahagi na ngayon ng art collection ng GSIS na ididisplay sa GSIS Museo ng Sining sa Pasay City hangang August 31, 2022.

Maaari namang bawiin ng mga hindi nanalo ang kanilang entries mula September 1 hanggang December 15 ngayong taon.

Facebook Comments