Mga torotot ug pompyang unta an gamiton nan mga Surigaonon sa pagsugat sa Bag-ong Tuig sumaya nan Surigao City Fire Marshall
Nag-awhag sa publiko an Surigao City Fire Marshall SFO4 Alberto Lerio na unta mga torotot ug pompyang na lamang an gamiton sa pagsugat sa Bag-ong Tuig ug dili na mga pabuto.
Sumaya pa niini, para malikay sa peligro sa pabuto an mga Surigaonon kon mahimo an mga naandan na pagsaba-saba ra an himoon sa pagsugat sa 2018. Ini an paggamit nan torotot ug pompyang na kon diin dili moresulta sa pagkasamad o pagka-utod nan alima o siki kon may mabuthan pareho sa pabuto ug iban na pyrotechnic materials.
Panghinaut pa ni Lerio unta pareho sa miagi na tuig, an Surigao City an dili makatala nan mga nasamad o nakalas gumikan sa pabuto.
