Monitoring sa mga kabatan-onan, mas gipakusgan sa kapulisan sa dakbayan sa Malaybalay

Gibutyag karon sa buhatan sa kapulisan sa dakbayan sa Malaybalay nga usa sa mga kasong gitutukan nila nga inanay usab nga misaka karon ang juvenile delinquency o mga kremin diin nalambigit ang mga kabata-an sa dakbayan.

Kini ang gibutyag ni Police Captain Christian Cerdenia sa kapulisan ning dakbayan sa Malaybalay ug basi sa gihimo nilang assessment nasayran nga bisan paman makonsidera kini nga ginagmay nga mga panghitabo apan kinahanglan nilang mas pakusgan pa ang mga operasyon sa kapulisan.

Nasayran nga sa kasamtangan regular nilang ginapahigayon ang mga pagbisita sa mga karaoke bars and restaurants matag gabie sa sentrong bahin sa dakbayan para mamonitor labi na ang mga kabatan-onan diha sa mga istbalishemento nga nagbaligya sa mga ilimnong maka hubog.

Subay niini mas gipakusgan usab nila ang pag-implementar sa curfew hours sa dakbayan para masiguro nga malikay diha sa kagubot sa mga kadalanan ang mga kabatan-onan ug mapabilin ang kahapsay ug kalinaw sa dakbayan sa Malaybalay.