Motor sa 19-anyos, gikawat

20
Tambulig, Zamboanga del Sur – Gatibi nga nangayo ug tabang sa mga kapulisan sa Tambulig MPS ang usa ka studyante human giilog kun gikawat ang single motor niini bandang alas 12:20 sa kaadlawon ang takna June 5, 2022.
Naila ang biktima nga si Joshua Pungyan Delanosa, 19-anyos, studyante, residente sa Purok 3, Brgy. Balocot, Tambulig, Zamboanga del Sur.
Gisakyan sa wala mailang suspek ang motor nga Honda XRM 125, nga may kolor puti ug itom nga kombinasyon,may kalabera nga sticker sa head light ug gatangag sa plaka numero nga 1090111.
Gipara matod pa ang biktima sa duha ka wala mailang suspek nga sakay sa Aerox Yamaha didtung dapita sa Purok 2, sakop sa mao nga lugar ug pugsanon nga gimaniho ang single motor sa biktima sibat paingon sa lungsod sa Molave.
Nihimo nag mga lakang ang mga kapulisan sa Tambulig aron mabawi ang motor nga gisakmit sa wala pa mailang mga indibidwal.
Facebook Comments