Motornapper, arestado sa banwa sang Polomolok.

Scratched red oval stamp with the words - the police - illustration

Nadakpan sang swat team sang Polomolok Pnp ang isa ka persona, matapos nga nangawat sang isa ka motorsiklo sa Brgy. Crsossing Palkan, Polomolok, South Cotabato sang tinalikdan nga adlaw.
Sa imbestigasyon, nagpangayo sang bulig ang biktima nga gin-agawan siya sang ginamaneho nga motorsiklo nga Kawasaki Brutos sang tatlo suno pa ka mga persona sa nasambit nga lugar.
Sakay naman ang tatlo ka mga suspek sa isa ka XRM 125 nga motorsiklo, apang ang isa amo ang nagmaneho sang ginkawat nga motorsiklo.
Gilayon naman nga nagpatigayon sang operation ang Polomolok Pnp kaupod ang tag-iya sang motorsiklo sa diin nasiplatan nila ang isa ka suspek amo nga ginmanduan nga magpondo ini.
Apang imbes nga magpundo nagpaburhot ini sang ginamaneho nga motorsiklo amo nga may natabo nga paglinagsanay tubtob nga nacroner ang isa sa mga suspek nga ginkilala kay Joseph Morales Caputol sa bahin sang national highway, Brgy. Silway 8 sa nasambit nga banwa.
Nakuha naman sa posisyon sang suspek ang ginapatihan ginkawat nga motorsiklo kag isa ka sachet sang ginapatihan shabu nga nagakantidad sang P1, 000.00
Nakapalagyo naman ang duha ka mga kaupdanan sini nga ginkilala kanday Erwin Mohamad, 25-anyos kag Jack Maguindadato, 30-anyos kag lunsay residente sang Brgy. Lapu sa nasambit nga banwa.
Samtang kaso naman nga carnapping, disobedience kag bayolasyon sa RA 9165 ang ipasaka batok sa nadakpan nga suspek.

Facebook Comments