Nagkanayon si Baer nga ang pag-umento sa presyo sa LPG mupasamot sa kalisud sa ilang kahimtang ilabina nga mahal nang daan ang kilo sa karne, isda lakip na ang lamas sa ilang mga putahe.
Sumala sa negosyante nga ang usa ka tanke sa LPG nga nagkantidad og 900 kutob lamang kini usa ka semana ingun man nagaluto kini sa 20 ka putahe matag adlaw.
Matud niini nga kun mahinayon ang pagsaka sa presyo sa LPG musamot nga mugamay ang iyang ginansya tungod kay dili usab niya buot nga kalitan sa pagpasaka ang presyo sa iyang mga putahe kay basin biyaan usab siya sa mga customer.
Nanghinaot ang tag iya’g kan-anan nga mapugngan ang pagsaka sa LPG aron walay mga gagmay nga negosyante nga mapugos ug panira tungod sa kadako sa kapital sa ilang negosyo apan gamay lamang ang ginansya.
RadyoMaN Erin Lumosbog
