Tagum City- Gituhoang personal ang motibo sa pagpatay sa usa ka negosyante sa balay niini sa Tagum City human kini gipusil sa makadaghang higayon sa wala pa mailhing suspek kaniadtong July 28, Sabado, alas 7:40 sa buntag.
Sumala sa report nga gipadala sa Tagum PNP sa DXDC RMN Davao, ang maong biktima giilang si Rustico Antonio Sabay, 46 yrs. Old, minyo ug residente sa Purok Kaimito, Barangay Mankilam, Tagum City.
Dugang sa report, igo sa ulo ug tuo nga kamot ang biktima hinungdan sa kamatayon niini.
Daling miikyas ang wala mailhing lalaki nga dunay duha ka kauban sakay sa itom nga motorsiklo.
Narekober sa personahe sa Davao del Norte Crime Laboratory Office and duha ka basyo sa bala ug duha ka deformed slug sa pusil nga gigamit sa suspetsado.
Padayon pa ang imbestigasyon sa kapulisan sa maong insidente.
Kasamang Renelyn Barbarona
