‘No gift policy’ hugot gipatuman sa LGU Davao

Davao City – Hugot nga gipatuman sa lokal nga panggamhanan ang ‘No Gift Policy’.

Kini ang giingon ni Edgar Bautista, City Hall Employees Association President human nahinabi sa DXDC RMN Davao.

Segun ni Bautista, dugay na gipatuman ang ‘no gift policy’ panahon pa sa kanhi Mayor Sara Duterte nga gidili ang pagpangayo o pagdawat og mga regalo.

Dugang ni Bautista, way rason nga mangayu pa og pinaskohan tungod kay kompleto ang mga benepisyo apil na ang bonus nga gihatag sa gobyerno alang sa mga empleyado.

Gipahimangnoan ni Bautista, ang tanang empleyado nga gidili gayud ang pagpangayo o pagdawat og regalo. Ang makapalas sa maong palisiya posibleng masilotan subay sa violation of Republic Act 6713 Civil Service Law og posibleng mawad-an kini og trabaho.

“Akong gihangyo ang tanan,unsa man nga memorandum nga gi-isyu sa atong mayor, atong taga-an ug respeto unya di ta magpakaulaw especially kay mayor Baste nagahatag baya og maayong benepisyo sa mga empleyado,” saysay ni Bautista.



RadyoMaN Don Pulayao

Facebook Comments