Davao City – Gi-awhag karon sa Alliance of Concerned Teachers (ACT) Davao Chapter ngadto sa Department of Education (DepEd) nga wad-on ug ibasura na ang palisiya nga kadtong dili kaantigo mobasa, dili makatikang ngadto sa next academic level.
Matud ni ACT Davao President Reynaldo Pardillo, makaapekto sa pagtungha sa mga kabataan ang maong palisiya.
Aminado si Pardillo nga adunay mga estudyante karon nga bisan og Grade 8 Level na, ang reading comprehension nila anaa lamang sa gihapon sa Grade 4 Level.
Gi-angkon ni Pardillo nga daw insulto alang kanila ang pagbagsak sa reading comprehensionsa kabataang Pinoy luyo sa ilang paningkamot ug paghago nga matudloan og maayo ang ilang mga estudyante.
Ang kabataang estudyante karon dili na kritikal og panghunahuna ug menos og panabot gani ang uban mo-gradwar nga daw walay matun-an, walay sulod ang utok sa mga leksyon ug dili kahibalo mobasa.
Matud ni Pardillo, ang pinaka-kalaban karon sa mga magtutudlo sa pagtudlo sa mga estudyante mao ang internet ug social media, mga palabas sa telebisyon ug uban pang mga distractions nga maoy nagpabugo sa mga kabataan karon.
Walay laing nakita nga solusyon si Pardillo aron matubag ang poor reading comprehension gawas sa pagbawas sa gidaghanon sa ilang mga trabaho aron sa ingon, makatutok sila diha sa pagtudlo ilabi na sa pagpabasa sa mga batan-ong tinun-an.
RadyoMan Joel Viray
