Ginakabalak-an nila suno kay Warden Juan Lansaderas nga magalab-ot sa duha ka libo ang numero sang mga preso sa bahin sang South Cotabato Rehabilitation and Detention Center tungod padayon ang pagcommit sang mga police station sang ila nga mga preso.
Suno kay Lansaderas kada semana indi magnubo sa kinse ka mga preso ang ginacommit sa Provincial Jail.
Kadam-an naman suno pa sang mga ginacommit ang may-yara sang kaso nga illegal drugs tungod sa napulo nga macommit pito gid nga ang kaso ang may kahilabtanan sa droga.
Sa subong nagalab-ot na suno pa sa 1,521 ang mga inmates sa Provincial Jail.
Samtang suno kay Lansaderas malapit naman nga mabutangan sang mga preso ang messhal nga ginconvert nila sa selda nga sarang masudlan sang duha ka gatos nga mga preso kag nagapadayon man ang construction sang two-storey building para sa mga inmates naman nga babaye.
