OCCUPANCY RATE SA MGA HOSPITAL SA GENSAN, ANAA LANG SA 58%

27

General Santos City–Anaa lang sa 37% ang occupancy rate sa covid facility sa Dr. Jorge P Royeca Hospital. Kini ang gibutyag ni Dr. Ryan Aplicador, Hospital Chief sa maong pasilidad. Sumala niya nga anaa lang sa 14 ang kasamtangang naka-occupy gikan sa 42 ka mga covid beds sa pang-gobyernong hospital sa syudad.

Samtang sa tanang hospital sa Gensan, anaa lang sa 58% ang occupancy rate. Unang hinungdan matud pa niini, mao ang pag-ubos sa kumpirmadong kaso sa covid matag adlaw o dili na kinahanglang i-admit pa ang mga nagapositibo.


Ikaduhang rason, nag-improve matud pa ang covid facility sa ubang pribadong hospital. Dugang pamahayag ni Dr. Aplicador nga sa karon anaa sa 11 ang pasyente nga moderate to severe nga covid positive, samtang ang mild ang anaa sa tulo. Samtang lima matud pa gikan sa 11 ang anaa sa mild to severe, ang gikinahanglang i-dialysis matag adlaw ug kini ang makonsiderang comorbidity.

Giklaro niini nga wala matud pay komplikasyon nga nakita gumikan sa covid 19. Nagpabilin usab nga manageable ang kaso sa covid 19 sa Dr. Jorge P. Royeca Hospital ug malaumon si Dr. Aplicador nga tanang gipa-ilalom sa dialysis ang makarekober sa maong balatian. (LVR)

Facebook Comments