Lanao del Norte – Nasakmit sa kapulisan ang kapin P1.08M nga kantidad sa gituohang smuggled nga sigarilyo atol sa checkpoint operation sa Kapatagan, Lanao del Norte kagahapon, Setyembre 29, 2026.
Duha ka lalaki ang gidakop, lakip ang drayber ug pasahero sa usa ka pula ug puti nga van nga gimarkahan isip Patient Transport Vehicle. Sumala sa inisyal nga imbestigasyon, gihulam sa drayber ang sakyanan gikan sa iyang paryente nga empleyado sa LGU Sultan Naga Dimaporo, aron magdala matud pa og pasyente.
Apan atol sa checkpoint sa Barangay Bansarvil 1, namatikdan sa mga pulis nga adunay mga kahon sa sigarilyo sulod sa van. Narekober ang 22 ka master case sa New Far Red ug lima ka master case sa New Far White, nga adunay gibanaabang kantidad nga P1.08 milyon.
Gidala ang duha ka dinakpan sa Kapatagan Municipal Police Station alang sa dokumentasyon ug hustong disposisyon. Ang mga nakumpiska nga sigarilyo ug ang van gibutang sa temporaryong kustodiya sa kapulisan samtang gikatakdang i-turnover ngadto sa Bureau of Customs (BOC) alang sa tukmang disposisyon.
Duha ka lalaki ang gidakop, lakip ang drayber ug pasahero sa usa ka pula ug puti nga van nga gimarkahan isip Patient Transport Vehicle. Sumala sa inisyal nga imbestigasyon, gihulam sa drayber ang sakyanan gikan sa iyang paryente nga empleyado sa LGU Sultan Naga Dimaporo, aron magdala matud pa og pasyente.
Apan atol sa checkpoint sa Barangay Bansarvil 1, namatikdan sa mga pulis nga adunay mga kahon sa sigarilyo sulod sa van. Narekober ang 22 ka master case sa New Far Red ug lima ka master case sa New Far White, nga adunay gibanaabang kantidad nga P1.08 milyon.
Gidala ang duha ka dinakpan sa Kapatagan Municipal Police Station alang sa dokumentasyon ug hustong disposisyon. Ang mga nakumpiska nga sigarilyo ug ang van gibutang sa temporaryong kustodiya sa kapulisan samtang gikatakdang i-turnover ngadto sa Bureau of Customs (BOC) alang sa tukmang disposisyon.
RadyoMaN Kareen Beltran
Facebook Comments
