Nagalab- abot sa P1.4 million pesos nga kantidad sang kwarta, inisyal 12 ka transparent plastic sachet sang ginapatihan shabu nga may kabug-aton nga 35 grams, 4 ka units sang handheld radio, 3 ka mga salakyan, mga motorsiklo, mga alahas kag iban pa nga mga drug paraphernalia ang nakuha sa puluy-an sang isa ka empleyado sang Department of Social Welfare and Development Office ukon DSWD 12 sa bahin sang San Antonio , Phase II Barangay Sta Cruz, Koronadal City sa ginpatigayon nga search operation sang mga kapolisan alas 4:30 kagaina sang aga.
Target suno pa sang search operation si Agakhan Sarip residente sang nasambit nga lugar nga wala naman sa ila nga puluy-an sang ginpatigayon ang operayon tungod yara suno pa sila nga mag-asawa sa bahin sang Metro Manila.
Ginpatigayon ang raid paagi sa search warrant nga gin-isyu ni Judge Alandrex M. Betoya ng RTC 12 Branch 16 Kabacan Cotabato Province.
Apang gin-aresto naman si Sadat Sarip Marohom nga temporaryo nga nagaistar sa nasambit nga puluy-an sang ginpatigayon ang raid.
