P15-M nakolektang multa sa face mask violators sukad 2021

45
Davao City – Kapin P15M ang nakolektang multa sa lokal nga panggamhanan sa Davao sa istriktong implementasyon sa Davao City Ordinance No. 0307-20 or the Face Mask Ordinance sukad niadtong 2021 hangtod Setyembre 8, 2022.

Gibutyag ni Atty. Lawrence Bantiding, City Treasurer’s Office Head, niadtong nakalabay’ng tuig P11,699,000 ang nakolektang multa gikan sa mga face mask violators samtang P3,454,500 sa pinakaulahing datus niadtong Setyembre 8, 2022.

Matud ni Bantiding, kung itandi niadtong nakalabay’ng tuig, nikunhod gayod ang kantidad sa mga multang nakolekta.

“Nakita nato ang decrease sa atong koleksyon katong compliance sa atong mga Davaoeños. They are really trying to comply with the health protocols that are being implemented in Davao City,” matud niini.

Sa ordinansa, ang madakpang wala nagsuot og face mask sa first offense aduna kiniy multang P500, P2,000 sa second offense, P5,000 multa o usa ka bulan nga pagkapriso sa third offense.

Samtang sa datus sa Davao City Police Office (DCPO) gikan Enero 1 hangtud Setyembre 10, 2022, 13,307 ka mga indibidwal ang naisyuhan og citation tickets, 4,896 violators ang nibayad sa multa, 8,411 ang wala makabayad, 4,709 ang gikasuhan pinaagi sa regular filing, 673 ka mga violators ang kasuhan pa ug for verification ang payment samtang 3, 029 ang lapsed na sa prescribed period.



RadyoMaN Aimee Guinita

[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments