Ayon kay Acting OCD Region 1 Director Laurence Mina, may P45 milyon halaga ng relief supplies, kabilang ang hygiene kits at bottled water, bukod pa sa suplay ng iba pang ahensya.
Sinabi ni Mina na nananatili sa heightened readiness ang mga ahensya ng pamahalaan alinsunod sa direktiba ni Pangulong Ferdinand Marcos Jr.
Patuloy din ang koordinasyon ng mga Local Government Unit, Local Disaster Risk Reduction and Management Office o LDRRMO, at iba pang ahensya upang bumuo ng mga scenario at preparedness measures batay sa mga ulat at datos mula sa Department of Science and Technology o DOST.
Samantala, binibigyang-pansin din ng OCD ang kapakanan ng mga rescuers upang matiyak na nakakapagpahinga ang mga ito habang nagpapatuloy ang rescue at response operations.
Naka-Blue Alert ang OCD Ilocos Region noong Agosto 28 bilang bahagi ng pinaigting na paghahanda at pagtugon sa epekto ng masamang panahon. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
