P600k illegal drugs nakumpiskar kag 102 wanted person arestado sa isa ka adlaw nga law enforcement operations sa region 12.

Scratched red oval stamp with the words - the police - illustration

Naglab-ot sa P601,200.00 nga kantidad sang illegal drugs kag 102 ka mga wanted persona mga naaresto kag tatlo dire ka 3 drug suspects ang patay kag mga nakuha nga assorted firearms and explosives sa ginpatigayon nga Simultaneous Anti-Criminality Campaign SOCCSKSARGEN.
Sang Oktubre 8 ang gintingob nga pwersa sang PRO 12 Police Force, National Support Units; Regional Mobile Force Battalion (RMFB) 12) upod ang mga city kag provincial police force sa koordinasyon sang PDEA 12 ang nagserbi sang search warrants, warrants of arrest, kag patigayon sang buy-bust operations kabahin sang kampanya sa tanan nga klase sang illegal activities kag kriminalidad sa mga nagkalain-lain nga lugar sa rehiyon.
Magluwas sa simultaneous operations, 124 ka sachets sang suspected shabu nga may kabug-aton nga 88.411 grams kay may DDB value nga P596, 200.00 ang nakumpiskar lakip na ang 19 ka sachets sang marijuana nga nagakantidad sa P5,000.00.
Yara naman sa 102 ka mga indibidwal ang naaresto sa diin 43 sa mga ini ang naaresto paagi sa warrant of arrest nga ginakabig most wanted; 32 sa illegal gambling kag 27 sa illegal drugs.
Samtang tatlo naman ka mga drug personalities ang patay matapos nga nagbato kag naimbolber sa shoot-out sa mga police operatives.
Nakumpiskar man sa operasyon ang 25 ka assorted firearms, 82 ka assorted ammunition lakip na ang 15 ka eksplosibo kag kabug-usan nga P 7,594.00 nga kantidad sang bet money.
May-angot sini, gindayaw naman ni PBGEN MICHAEL JOHN F DUBRIA ang tanan nga personnel kag units nga imbolbado sa nasambit nga operasyon.

Facebook Comments