Kumpyansa ang House Prosecution Panel na hindi kawalan at walang epekto sa lakas ng impeachment case laban kay Vice President Sara Duterte ang pag-atras ni dating Senator Antonio Trillanes IV bilang na tumestigo sa impeachment trial.
Ayon kay House Prosecutor at Bicol Saro Party-list Representative Terry Ridon, lahat ng kanilang mga testigo ay may kanya-kanyang aspeto at katotohanan na pinapatunayan at isang apekto lang ang testimonya ni Trillanes.
Diin pa ni Ridon, may mga sariling dokumento at katotohanan naman ang Anti-Money Laundering Council (AMLC) na patutunayan sa Impeachment Court.
Paliwanag naman ni Private Prosecutor Atty. Lorna Kapunan, hindi kawalan sa ikalawang Article of Impeachment patungkol sa unexplained wealth ang pagtanggal kay Trillanes bilang testigo.
Ayon kay Kapunan, ang mga ilalahad ni Trillanes ay nasabi niya nang humarap sa impeachment hearing ng House Committee on Justice kaya saklaw na ito ng judicial notice.
